Հայերեն | Русский | English

Գլխի էքստրակրանիալ մագիստրալ անոթների ԴՍ

Էքստրակրանիալ (բրախիցեֆալ) անոթների դուպլեքս հետզոտությունը գլխուղեղի մագիստրալ զարկերակների և երակների ուլտրաձայնային հետազոտման այն հիմնական ձևերից է , որի ժամանակ գնահատվում է արյան շրջանառությունը ընդհանուր քներակներում,  արտաքին և ներքին քներակներում, ողնաշարային զարկերակներում, ենթաանրակային զարկերակներում ու լծերակներում:

Այս մեթոդի ժամանակ  հնարավոր է ստանալ տեղեկատվություն  ոչ միայն  արյան անոթների եւ շրջակա հյուսվածքների վիճակի մասին, այլև վերլուծել նրանց հեմոդինամիկական առանձնահատկությունները  գունավոր դոպլեր  կոդավորման միջոցով: Այն թույլ է տալիս տեսնել խոշոր զարկերակների, ծայրամասային անոթների եւ փոքր ենթամաշկային մազանոթների վիճակը, ինչպես նաև արյան բաշխումը նրանց  մեջ: Հնարավոր է հայտնաբերել  նորմայից ցանկացած պաթոլոգիական շեղում:

Անոթի լուսանցքում առկա փոփոխությունների տեսողական գնահատումը հնարավորություն է տալիս  հիվանդությունը ախտորոշել վաղ փուլերում: Ախտաբանությունը  կարելի է հայտնաբերել անոթային ավազանի ցանկացած մասում:

Սկանավորման ժամանակ հաշվի է առնվում բռախիցեֆալ զարկերակների հետևյալ բնութագրերը.

  • անոթի օկլյուզիան,
  • ձևախախատումները ( թեքումներ, ծռումներ, ծալքեր , հանգույցներ ),
  • չափերը (նորմալ, հիպոպլազիաներ, լայնացումներ ),
  • անոթային պատի շարժունակությունը,
  • անոթի պատի էխոգենությունը, հաստությունը , մակերեսի ձևը, համասեռությունը  (intima - adventitia համալիր),
  • լուսանցքի վիճակը ( արյունատար անոթի խցանումները , աթերոսկլերոտիկ թիթեղիկները , անոթի պատի ներքին շերտի պոկումները,  լայնացումները, ստենոզները),
  • անևրիզմաների և պատռվածքների առկայությունը:

Արդյունքը: Դոպլեր սկանավորման և  արյան հոսքի  գունավոր կոդավորման միջոցով հնարավոր է հետազոտել և վերլուծել անոթի պատի լուսանցքի հստակ եզրագծումը:

   Մեր կենտրոնի նորագույն սարքավորումներով հնարավոր է ախտորոշել  անոթային տարբեր ախտաբանություններ նրանց  զարգացման անգամ վաղ փուլերում: Ուլտրաձայնային սարքավորման տեխնիկական հնարավորությունների շնորհիվ հնարավոր է մեկ հետազոտության ընթացքում օգտագործել մի քանի դատչիկներ,  մեծացնել սկան պատկերը կոնկրետ ժամանակահատվածում , ապահովել սարքի  ճշգրիտ ֆոկուսավորումը:

Էքստրակրանիալ(բրախիցեֆալ) անոթների դուպլեքս հետզոտությունը ցուցված է հետևյալ անոթային ախտաբությունների ժամանակ.

  • աթերոսկլերոզ
  • հիպերտոնիկ հիվանդություն,
  • զարկերակային հիպերտոնիա,
  • անոթային դիստոնիա,
  • հիպոտոնիա ,
  • սրտի հիվանդություններ,
  • վարակիչ և ալերգիկ վասկուլիտներ,
  • անոթների տոքսիկ և տրավմատիկ ախտահարումներ ,
  • զարկերակների և երակների սեղմվածություններ,
  • սրտանոթային համակարգի անոմալիաներ,
  • արյան հիվանդություններ,
  • վահանաձև գեղձի ախտաբանություններ:

ԼՈՒՐԵՐ

Դուպլեքս  հետազոտությունը անոթների գերձայնային հետազոտությունն է, որի ժամանակ ուսումնասիրվում են մագիստրալ...

կարդալ ավելին »