Այսօր  Հայաստանում գործող բոլոր ապահովագրական ընկերություններն իրականացնում են առողջության ապահովագրություն: Եթե Դուք ապահովագրված եք և ունեք վկայական, Ձեր ախտորոշման ծախսերը կարող է հոգալ ապահովագրական ընկերությունը: 

Մենք  ունենք համագործակցության պայմանագրեր հետևյալ ապահովագրական ընկերությունների հետ.

	Գարանտ Ասիստանս ապահովագրական ընկերություն
	ԻՆԳՈ Արմենիա ապահովագրական ընկերություն
	Նաիրի Ինշուրանս ապահովագրական ընկերություն
	ՌԵՍՈ ապահովագրական ընկերություն
	ՍԻԼ  Ինշուրանս ապահովագրական ընկերություն

Գործընթացը ճիշտ կազմակերպելու համար ապահովագրված անձն առաջնահերթ պետք է կապ հաստատի ապահովագրական ընկերության հետ, ներկայացնի խնդիրը  և այնուհետև մոտենա մեր կենտրոն:

Եթե Դուք ապահովագրված եք այլ ապահովագրական ընկերությունում, հոգ չէ, մենք   կփորձենք կապ հաստատել  և   սեղմ ժամկետներում կազմակերպել  Ձեր ախտորոշման գործընթացը:

«Ուլտրաիմիջինգ» ռադիոլոգիայի գիտամեթոդական կենտրոնը իր գործունեությունը ծավալել է 2005 թվականից` կատարելով ախտորոշում մագնիսական ռեզոնանսային տոմոգրաֆիա (ՄՌՏ) և ուլտրաձայնային հետազոտման մեթոդներով: Հաջողությամբ զարգացնելով իր գործունեությունը` 2008թվականին կենտրոնը նաև ներմուծել է  բազմաշերտ սպիրալային կոմպյուտերային տոմոգրաֆիա (ԲՍԿՏ) հետազոտման մեթոդը` արագ  նվաճելով առաջատար դիրք ծառայության այս ոլորտում ևս:

«Ուլտրաիմիջինգ»-ի հիմնական առավելություններն են.

		20-ամյա մասնագիտական փորձ: Ավելորդ չէ նշել, որ բժշկական գծով տնօրեն, բժշկական գիտությունների թեկնածու, դոցենտ` Արամ Քոչարյանը մագնիսական ռեզոնանսային տոմոգրաֆիայի հետազոտության հիմնադիրն է Հայաստանում: Հիվանդների ընդունումը և կադրերի պատրաստումն այդ բնագավառում նա սկսել է դեռ 1996 թվականից:
		Անոթային ախտահարման, չարորակ ուռուցքների, ներքին օրգանների ախտաբանական փոփոխությունների, վնասվածքների և հոդերի հիվանդությունների ախտորոշման բարձր մակարդակի երաշխիք: Բոլոր ախտորոշման եզրակացությունները կայացվում են կոնսիլիումի հիման վրա, ինչն էլ իր հերթին բարձրացնում է ախտորոշման որակը, հնարավորինս նվազեցնում  սխալվելու վտանգը:
		Մեր բժիշկները տարեկան մեկ անգամ անցնում են վերապատրաստման դասընթացներ աշխարհի լավագույն բժշկական  կենտրոններում, ֆորումներում,  ծանոթանում իրենց մասնագիտական ոլորտի նորություններին:

Շարունակելով բարելավել հաճախորդների սպասարկման որակը և պայմանները` 2011 թվականին Կենտրոնը Մոսկովյան 13 հասցեից տեղափոխվել է նորակառույց մասնագիտացված շինություն, որը գտնվում է Երևան քաղաքի Քանաքեռ-Զեյթուն համայնքում. Պարույր Սևակ 5/7 հասցեով:

Գիտական գործունեությունը մեր կենտրոնի զարգացման  հիմնական ուղղություններից և առավելություններից է,  որի հիմքում Ուլտրաիմիջինգի բժշկական գծով տնօրեն Արամ Քոչարյանի  մոտեցումն է որպես պրոֆեսիոնալ բժիշկ-ռադիոլոգի:  

Դեռևս ուսանողական տարիներից, երբ մեր հայրենակից  Ռայմոնդ Դամադյանը 80-ականներին ժամանեց Հայաստան ու մագնիսական ռեզոնանսային մեթոդին վերաբերող դասախոսություն կարդաց, Արամ Քոչարյանի համար պարզ դարձավ՝ մասնագիտանալու է այդ ուղղությամբ: Երկրաշարժից հետո  Հայաստան էր բերվել ռենտգենյան համակարգչային տոմոգրաֆ, ինչն էլ նպաստեց առաջին մասնագիտական փորձի ձեռք բերմանը և 1994 թվականին Արամ Քոչարյանը սկսեց իր պրոֆեսիոնալ գործունեությունը, որը շարունակվում է առ այսօր:

1996 թ. Հայաստան ներկրվեց մագնիսա-ռեզոնանսային տոմոգրաֆ։ Այդ առիթով Քոչարյանը մեկնեց ԱՄՆ՝ վերապատրաստման, այնուհետև վերապատրասման կուրսեր անցավ Սանկտ-Պետերբուրգում, Մոսկվայում և Վիենայում:

Այդ ժամանակից ի վեր սկսվեց տոմոգրաֆի շահագործումը Հայաստանում: 2005 թ. Արամ Քոչարյանն իր գործընկեր և այժմյան գործադիր տնօրեն Ռոբերտ Նուրբեկյանի հետ համատեղ հիմնեցին «Ուլտրաիմիջինգ» ռադիոլոգիայի գիտամեթոդական ախտորոշման կենտրոնը: Գործունեության հիմք ընտրվեց շարունակական գիտա-հետազոտական աշխատանքների իրականացումը, ինչն իր հերթին նպաստում է կենտրոնի կողմից հաճախորդների խնդիրներին վերաբերող բարձր ճշգրիտության ախտորոշիչ եզրակացությունների տրամադրմանը:  

Ներկայուն, բժշկական գիտությունների թեկնածու, դոցենտ Արամ Քոչարյանը, ով նաև դասավանդում է Երևանի Մ.Հերացու անվան պետական բժշկական համալսարանի «Ճառագայթային ախտորոշման» ամբիոնում, իր գործունեությամբ նպաստում է  երիտասարդ կադրերի մասնագիտական աճին և հանրապետությունում ոլորտի զարգացմանը: